Kaixo familia!
Aste honetan egin dugunaren berri ematera gatoz! Jada oporrak ate joka ditugu eta pixka bat nekatuta ere bagaude, baina gauza berriak egiten egon gara.
Asteartean, goiko eskolara joan ginen eta bertan LH6ko ikasleek, haien esperientzia kontatu eta eskola erakutsi ziguten. Bertan gure gela zein izango den hurrengo ikasturtean, komunak, jangela, matematikako gela, musika gela, kirolerako espazioa eta patioa erakutsi ziguten. Egia esan asko gustatu zitzaigun eta ikusi genuen goiko eskolan ere geletan badituztela jolasak! Gainera Aratzen urtebetetzea zenez bertan jan genuen bizkotxoa!
Horrez gain, aste honetan buztinarekin jolasean ibili gara eta oso gauza politak egin ditugu. Gainera, bidriera antzekoak ere egin ditugu eta buru belarri ibili gara lanean.
iruzkinik ez:
Argitaratu iruzkina